今日我同朋友嚟到位於鰂魚涌嘅Rosie，一齊嘆咗個好chill嘅下午茶時間！☕
呢間餐廳佈置精美，環境舒適整潔，一行到入去就覺得已經放鬆曬呀！
今次嘅野食非常令人驚喜！
🍋鵝肝鮮檸檬醬貓耳朵粉 $228
- 貓耳朵粉口感彈牙，鵝肝香滑唔會油膩，檸檬醬清新而且酸度啱啱好，貓耳朵粉配檸檬醬口味特別而且非常開胃！
🍝江蘇蟹黃天使麵 $198
- 麵嘅口感絲滑而且軟硬度啱啱好，蟹黃味道濃郁，每一啖都充滿蟹黃嘅香味！
🍸藍水母 $68
- 蝶豆花配咖啡，湖水藍嘅顏色好精美，非常適合用嚟打卡📸，好飲又好睇！
🍹奶蓋蜜糖咖啡 $53
- 咖啡味道香濃，再加上一層滑順嘅奶蓋，配埋淡淡嘅蜜糖味，令人回味無窮！
今次嘅下午茶體驗非常好，有鐘意嘅朋友都可以嚟體驗下！💕
