
酥炸軟殼蟹黃金蟹肉意粉（$178）
軟殼蟹味都幾香，但略嫌唔夠香脆，意粉咬口、醬汁味道亦唔錯，但唔係好食到蟹肉嘅味道。

巴馬火腿薄餅（$132）
Pizza嘅餅底好薄，有別於出邊平價嘅薄餅，加上芝士、巴馬火腿，味道吸引， 值得一試。

忌廉龍蝦汁蘆筍大蝦扁意粉（$153）
大蝦爽口，扁意粉亦唔錯，唔會太硬，雖然忌廉龍蝦汁食唔出龍蝦味， 但味道亦唔錯。

芝士焗粗薯條（$58）
芝士味道濃郁，薯條味道亦唔錯，但可能因為芝士焗耐左，薯條質感比較林，有點兒失色。
人均：$143
