影片
更多
2015-03-30
1210 瀏覽
老公的生日lunch, 當然要花d心思啦~ 前排見報紙介紹過呢間新開主打用Kale (羽衣甘藍) 的健康輕食店, 文中講原來外國早已經好流行吃kale, 皆因kale 含豐富維他命, 可惜香港並唔常見, 只有極少數街市和高檔超市先至買到, 價錢又唔平, 而Kale 係香港首間以kale 主題食店, 沙律, 果汁, 漢堡包都用kale, 更以Kale為店名我地好少去上環, 今次係專成去的, 地點都唔太難搵, 係幢商業大廈樓上, 小店面積唔大, 環境算ok, 雖然主要望樓景, 但都仲望到少少海景; 呢間店呢期咁hit, 我地當然坐唔到窗口位啦, 我地坐左係cashier & 開放式廚房對面, but 油煙味都好重; 仲有佢張橩又真係幾攪鬼, but 女仔着裙就麻煩d, 事關佢個單車腳踏前後咁, 有時都唔知只腳放邊好... 另外, 如果需要水, 係廚房外放有2壺水, 可以自己斟來飲, 而紙杯是用環保紙水杯, 非常厚身我地選左1個set $110 and 2杯drink $38/杯:Set (2 x sliders + salad) : Normal sliders (Falafel)
前排見報紙介紹過呢間新開主打用Kale (羽衣甘藍) 的健康輕食店, 文中講原來外國早已經好流行吃kale, 皆因kale 含豐富維他命, 可惜香港並唔常見, 只有極少數街市和高檔超市先至買到, 價錢又唔平, 而Kale 係香港首間以kale 主題食店, 沙律, 果汁, 漢堡包都用kale, 更以Kale為店名
我地好少去上環, 今次係專成去的, 地點都唔太難搵, 係幢商業大廈樓上, 小店面積唔大, 環境算ok, 雖然主要望樓景, 但都仲望到少少海景; 呢間店呢期咁hit, 我地當然坐唔到窗口位啦, 我地坐左係cashier & 開放式廚房對面, but 油煙味都好重; 仲有佢張橩又真係幾攪鬼, but 女仔着裙就麻煩d, 事關佢個單車腳踏前後咁, 有時都唔知只腳放邊好... 另外, 如果需要水, 係廚房外放有2壺水, 可以自己斟來飲, 而紙杯是用環保紙水杯, 非常厚身
我地選左1個set $110 and 2杯drink $38/杯:
Set (2 x sliders + salad) :
Normal sliders (Falafel) : 炸鷹嘴豆餅迷你漢堡包, 鷹嘴豆餅幾香, 味道有d似有印度香料味, 配以薄荷味的醬汁, 仲有青瓜, 蕃茄, 感覺幾特別, 老公話佢like呢款多dd
Charcoal sliders (Tofu) : 豆腐迷你竹炭漢堡包, 兩片香煎豆腐, 豆味好濃, 配以kale & 橄欖油的綠色醬汁, 味道酸酸甜甜, 清新又突出, 簡直係highlight, 而青瓜, 蕃茄d 味相對無咁出, 而我就超like 呢款
Salad (All) : 雜錦沙律, 份量唔算大, 但種類都幾多;
有kale, 質感似硬厚版的生菜, 味道甘甘地, 好草青味, 幾得意;
紅菜頭, 清甜多汁, 又清新, 幾正;
南瓜, 幾淋, 幾香甜;
煎三色椒, 茄子, 煎得好野味, 好好吃;
紫椰菜絲(酸), 白蘿蔔絲(酸), 酸酸地, 幾開胃;
青豆, 得幾粒, 無咩特別;
藜麥沙律, 質感似糯米, 有咬口, 無咩味, 有飽肚感;
螺絲粉, 正正常常, 無咩味
Drink:
Virgin Sangria : 紅菜頭, 橙, 蘋果, 檸檬及青檸, 開頭飲落酸酸地, 好醒胃, 飲飲下個胃覺得有d"拿", 所以飲到一半就無再飲了, 連我老公都話幫唔到我飲, 覺得有d晒添
Kail : kale, 薄荷, 青瓜, 蘋果, 好勁草青味, 有d似五青汁, 飲到有少少蘋果味, 但老公話要用超削來形容呢杯野, 佢就飲晒
咁樣吃法, 作為我地的lunch, 我地其實覺得唔多夠飽, 下次真是要1人1個set至得啦~
題外話/補充資料：
欣賞佢地的材料新鮮, 即叫即做, 所以要預d時間等佢地的出品, around 10-15 mins 到啦~ 唔太耐, 可以接受!
(以上食評乃用戶個人意見 , 並不代表OpenRice之觀點。)
張貼
