築地日本料理 (金百利廣場)

營業中

休息中

今日約左朋友食野，本來約晚飯，但朋友工作關係，轉左食三點，佢揀左呢間叫築地日本料理，係間走抵食路線嘅日本野，我未食過，一於試下。位於銅鑼灣金百利，成幢好多野食，亦好近港鐵站。去到都要等一陣位，始終下午茶時間係多人食啲。間野地方唔大，路有啲窄，好彩坐落都尚可。講返野食先，我叫左三文魚蟹子丼，凍檸茶，朋友叫左照燒雞扒飯，凍檸茶，我就叫多碟炸魷魚。麵豉湯係包埋。碗湯冇咩特別，正常。朋友話照燒雞扒飯同吉野家冇分別至於我嘅三文魚蟹子丼，黎到我就覺得細碗左啲，三文魚得兩片，不過$58，下午茶唔可以要求咁多，食落正常，唔會好驚喜炸魷魚呢，冇魷魚鬚，得身位，差啲，有啲油，脆就脆嘅。凍檸茶就正常。冇咩我都唔會再幫襯。唔係話間野好差，但太一般，老銅有好多選擇嘅。