蘇媽.蘇媽馬來西亞茶餐室 (已結業)

差！唔駛2分鐘路程汝洲街就有間捌哥捌哥，一樣食馬拉嘢，大部份嘢都比呢間蘇媽完勝。先講下呢度有咩不足：1. 座位迫，枱細，平日下午黎都係咁。2. 肉骨茶偏重藥材味，但個人覺得捌哥好飲好多。呢度隻碗又細，飲2啖已經要加湯，佢又加得慢。大骨小骨，所有骨類倒屎咁早已經冇，焗住食雞腳，但得嗰3隻咁大把。賣肉骨茶但冇肉骨，咩料？3. 選擇少，餐牌冇捌哥咁多選擇，價錢亦較貴。份量仲要好細，唔抵食。4. 服務好一般，又係唔及捌哥咁殷勤，好多staff但喺度行行企企囉！5. 最讚係椰香咖央多，比捌哥嘅椰香味濃。其他嘢，冇特別又冇特色，檸檬薏米水都可以淡茂茂，佢贏。雞絲湯河普通過普通，唔知有咩怡保特色。佢同捌哥比，輸2條街，唔會再幫襯。