春宵

好朋友即將要離開香港到外國生活，想必會懷念香港嘅味道😿所以我安排咗我哋都最鍾意食嘅火鍋為佢餞行，好好享受依一刻🫶🏻未食火鍋前，叫咗碟炸餃子開一開胃😽餃子餡肉汁豐富，炸皮乾身鬆脆，有驚喜wor👍🏽湯底方面選擇多，千挑萬選下都係揀返我哋嘅最愛👉🏻醉雞湯😻雞件係分開上自己煮，避免雞肉長時間喺煲入面煮到柴哂👍🏽即使係咁，雞味喺湯底入面依然強烈😽同樣鍾意食肉點可以唔叫👉🏻潮汕手切牛頸脊👉🏻一口牛😻兩盤牛肉都係新鮮現切，並非雪藏肉，所以肉味先會咁鮮明👍🏽最後食返啲菜👉🏻油麥菜👉🏻娃娃菜👉🏻靚粟米👉🏻蘿蔔片新鮮，粟米仲好飽滿好多水份添😸希望好朋友享受今晚嘅火鍋，遲啲等你返嚟再食呀🫶🏻