犇之食堂 (已結業)

今日放工，大少陪我去銅鑼灣買完嘢之後，路過此處，決定入去一試。。。我地叫咗滷肉飯台式腸雞肉飯奶蓋烏龍茶奶蓋茉莉花茶個滷肉飯，半肥瘦肉𢇁，伴漬青瓜，滷水蛋及滷水豉油，唔太肥膩,味道恰到好處。個台式腸雞肉飯，台式腸個皮好脆，無肥肉，件蒜片，好味。我見大少撈起個雞肉飯，d雞肉無皮亦無肥，望落 ok, 但大少話只係一般。但值得一讚係佢哋係用珍珠米，粒粒完整，無煮爛飯。個2杯奶蓋飲品，為咗環保，所以冇比飲管，亦因為咁，每啖飲完，d奶蓋黐住響唇邊，好似d小朋友拍牛奶廣告咁。我同大少都覺得杯奶蓋只係一般，亦好大杯，飲唔哂，只係我鍾意扮拍牛奶廣告，所以不段飲個蓋。