鐵板先生 (已結業)

呢一晚無咩細藝，輕輕鬆鬆同老公拍拖，去山林道搵野食貪其有位泊車。一落車見到有間鐵板燒，令我地都懷念起日本既味道。佢地套餐有好多款，而我地兩個人就點左鮑魚二人餐。頭盤係沙律同麵鼓湯，可以開開胃。跟住落係精彩既刺身環節，限定兩款刺身係甜蝦同帶子。刺身表面好新鮮有光澤，甜蝦鮮甜爽滑，帶子鮮味軟滑，刺身新鮮無腥味，套餐包既刺身令我地有驚喜。第一道燒物係南非鮑魚，亦係最有睇頭既一道菜。南非飽魚大大隻，燒到好軟唔韌，好有咬口好彈牙。飽魚食落有鮮味，調味料都好足，唔需要再點醬汁。接住係銀鱈魚，外皮燒到脆脆地，裡面嫩滑有汁，有少少魚膠味，味道好豐富。套餐必備既牛柳粒不過不失，肉質嫩滑而且係半肥瘦，但牛肉味可以濃厚點更佳。套餐最後有飽肚野兩款，蕃薯仔同炒雜菜。臨走想埋單先知道，原來套餐仲有甜品，可選雪米磁或雪糕。甘岩今日有人搞生日，雖然師傅要招呼好多人 ，上菜慢左少少。但俾我地開左眼界，見識到公仔飯！