富園豐海鮮酒家 (已結業)

平日午飯時間走訪好多間食肆都大排長龍，行到腳仔軟，終於搵到間唔洗點排隊，雖然睇見富字頭都唔係幾開胃，如果唔係午飯時間所剩無幾，都唔會考慮試下。坐得冇耐即停電，冇燈冇冷氣，等左十幾分鐘先恢復。人手明顯唔夠，漏單問題嚴重，叫左十碟漏足三碟。食物選擇偏少，對選擇困難者黎講可能都係好事，可惜我唔係。價錢跟質素一樣一般，特別個雪山叉燒包，扁得黎又厚粉，係我呢世仔食過最難食既一個。畀得起呢個價錢，喺附近絕對可以食得更好。