富園豐海鮮酒家 (已結業)

一肚氣，一行四人，門口知客趕客玩野話逼逼地入到去原來三個位；完全冇腦，坐大髀呀你坐俾我睇；加上之前食物質素下降，腸粉皮厚到呢…完全食唔落，點心又差永無下次👎🏻

屋企附近舊式酒樓，家中老人家十分喜歡，貪呢度冇出面咁多花樣～唔會古靈精怪巧立名目😅最重要一樣嘢係個廚房靠得住👌🏻💕👍🏻餸菜呢…樣就唔係好精緻㗎啦😅…但係味道絕對可靠👍🏻以前都成日會自來海鮮加工，但係最緊要唔好遇著大時大節啦～如果唔係人哋睬你都傻！🫣😵‍💫燒味拼盤就不過不失啦～叉燒好淋好入味，油雞都算滑～冬瓜盅真係非常搶手😝八點鐘已經賣曬～沙薑豬腳好入味👍🏻！馬拉盞啫啫通菜煲都好嘢味！🥰👍🏻👍🏻最正係個鱆魚雞粒鍋飯，又大又好味～四個人根本冇可能食得曬～打包咗一大盒！

已經在富園豐飲了多年早茶, 多數都是星期六/日, 因為星期六/日都一樣有孖寶平日不用等位, 先介紹蝦腸, 只得5夠, 但每夠都有蝦, 粉皮比較厚但都算滑, 唔會油冧冧, 豉油甜甜地好味涼瓜魚餅有3件, 以前覺得好好食, 依家比較薄咗啲, 有啲偏鹹, 失準試下@7.8嘅新菜式, 花旗參蝦餃皇, 老媽話幾好食, 啲蝦都好爽口早茶茶錢8蚊位仲有其他特價點心正價點心紙我同老媽兩位只叫了一個孖寶, 加一個7.8的花旗參蝦餃皇, 埋單都係59蚊咋非常抵食

疫情之下好耐冇去酒樓食晚飯啦。有朋友介紹呢間食晚飯，講真！原來我曾經經過好多次，不過冇留意到佢🤣食過一次後，真係唔錯喎！今次到我帶朋友黎食😂呢間酒樓冇豪華現代裝修，樓底都唔高，所以係會有啲嘈，不過食物先係最重要嘛🤪嘩，呢個片皮鴨🏆贏左，皮脆👍🏻唔會好多肥膏👍🏻肉嫩👍🏻以呢個價錢真係好抵食，唔怪之得咁多檯都有食啦！梅菜扣肉😋送飯一流椒鹽豆腐啊🤩外脆內嫩，好食到唔使講上湯浸豆苗，正常發揮👍🏻要講嘅係呢碟欖角排骨😋起初都諗🤔即係點呢？原來都好夾，好特別呀終結：一定會再黎食呀

星期日兩個人去觀塘富園豐飲早茶，叫左以下點心，有早茶特價野：酒樓坐得相對比較迫😆😆長者居多普通平民酒樓，這是這樣的：落左order後等左十分鐘，點心開始陸續上，食落味道都正正常常，沒有好surprise的東西最後埋單$150左右，幾飽，但好食就真是談不上。😂😂

22/6/22兩點半鐘食飯 一心諗住開心想食下午茶 到門口沒有知客 入到去冇人招呼 其後有經理有指示坐的位置 但坐低了五分鐘 都俾人當透明 之後經理又話等陣 會有人招呼 舉極手都係咁話等陣 但不停招呼其他人 同收銀傾閒話 冇心做生意就咪開 只係招呼d熟客 生客就唔洗再有下次 嬲都即走 先話有人招呼la 我話留番你自己飲 不知所謂的服務 重點個經理見到我走仲識笑 都唔知咩心理😡😡😡

一間位於觀塘工廠區內的平民化酒樓 樓底偏矮 傳統裝修 枱凳放得很擠逼 星期日的早上我大約9.15 到達 門前沒有知客 要自助搵位 幸好很快就找到 想不到星期日工廠區休息 仍然有那麼多街坊來幫襯拿起點心紙一看 收費真的很大眾化 我都忍不住一口氣點了六款份量不是將貨就價 都是正常size 沒有花巧的裝飾 雖然沒有驚喜 但也不失誤涼瓜煎魚餅最好味 蝦餃 上湯水餃 棉花雞 也可以衹是鮮蝦腸 粉皮較硬生滾皮蛋魚片粥 魚片切得很大片有幼骨2個人吃得飽飽 埋單衹是135 又沒有時間限制 可以慢慢歎茶 比一般茶餐廳還要便宜呢 😍

星期日想去飲茶🫖不過唔係間間都有優惠嘅。。誤打誤撞情況下，搵到呢間偏遠小小嘅酒樓。。。呢間係觀塘熟食中心附嘅，地鐵站行過去都有小小距離。。一上電梯就見到啦。。個感覺就係好舊式😂入到去係一個長方形嘅餐廳，有小小迫，而且全場都要搭枱，所以真係覺得迫咖。。但呢間街坊酒樓係有特價點心！好抵食！優惠點心都好多款，應該岩大家食！櫻花蝦薄橕應該唔係即叫即整，因為唔熱。個底偏油，櫻花蝦Um。。我搵唔到，有啲葱咁。煎得厚左小小唔夠脆。雜菌鮮蝦春卷呢個好好食！雖然唔係即炸，但好脆，咬入口脆卜卜，勁鬆化！入面餡料都塞到好滿，讚讚！皮蛋瘦肉粥普通一般水準，唔夠熱，材料好小蟹籽燒賣讚！夠哂熱，粒粒脹卜卜！豬肉餡料又多，仲有蝦仁咖，真心又正又抵食吵嗲金錢肚有小小差，金錢肚大概有4件，醬汁偏咸。金錢肚好un，墊底嘅蘿蔔食入口有渣。no good蟲草花鮮竹卷千祈唔好點！淋到一pat野咁，一夾已經爛哂，食入口就係一pat野咁，唔知食緊乜。花旗參湯蝦餃不叫也罷，好地地蝦餃唔知點解要浸湯？個湯只係普通清雞上湯，花旗參味？無！我相信就咁食蒸蝦餃仲好食。浸左湯個皮變硬又粉，不好吃👎🏻呢度真係好街坊生意，全場大部分都係老人家，見

在觀塘想找到一家餐廳飲茶，在工廠區有很多選擇，住觀塘的朋友推薦這間酒樓。假日全日點心劃一價錢，無需要等到下午茶時間，幾時飲都咁抵，等位時間短🤗，但有機會要搭枱。.整體上，點心份量偏大😮一個人食兩碟已經好飽。燒賣超大粒，面頭有些蟹籽，豬肉餡料沒有太多肥肉。沙律明蝦角一客有三件。外皮炸得酥脆，饀料有隻大蝦，蝦肉彈牙，可以點很多沙律醬🤣。菜苗餃晶瑩通透，餃皮煙韌，餡料都有一隻大蝦。樓面有人手，服務正常。

今次約咗屋企人一家七口來到觀塘去酒樓食飯，咁係呢一間餐廳我地總共叫左九樣野，咁價錢黎講就大約1000蚊到就落到樓啦咁中，其實性價比真係好高嘅，我地會再嚟嘅。叫左：清蒸沙巴仔2條抵買80蚊條，個個都話滑，有魚味美國龍蝦e麵無乜龍蝦，呢個一般大澳香蝦肉豬扒咁既樣，還好雞煲普通啦，味ok, 但唔太多肉牛仔粒唔錯，有牛味窩荀都幾大份，幾好食，唔錯鯪魚豆腐煲唔錯，夠大份下次會再黎，咁樣都係1千蚊，抵食既，又有位。

話說呢間酒樓係老豆開餐食堂,老豆無論早午晚都會同伙記喺度食,但係上次食過覺得有D麻麻,不過老豆今次叫壽星宴,一於再試下唯有!!整體上真係唔錯, 因為佢有獨立包房!!食起黎覺得好舒服, 好寧靜, 有私人空間!!件件都啖啖肉, 宴會餐黎講算唔錯!!雖然龍蝦肉唔多, 但係好明白價錢反映質素!!我覺得性價比都OK!!芝士味好濃, 龍蝦唔會話太霉!!呢個要特別講下, 炸到啱啱好!!個炸皮好脆食落熱辣辣, 做得非常好!!隻隻入面都係蝦肉黎!!呢條魚又係好正!!大到飛起, 蒸起黎又啱啱好, 唔會老!!我地食到連骨都無咁滯!!簡直喜出望外, 好耐無食過咁大條蒸魚!!呢個係宴會菜入面既要點!!當紅炸子雞, 炸到皮脆肉厚!!味道剛剛好, 就算胸肉都滑嘟嘟!!一D都唔會"鞋"!!佢做到啱啱好!!最後呢個都要介紹下!!佢隻隻都係人手包!!豬肉同蝦肉比例啱啱好, 加埋小小雲耳!!食落有少少爽口, 係正宗港式風味!!加埋佢果個湯底, 宴會菜真係無得輸!!如果要訂一圍圍宴會菜, 呢度都係個唔錯選擇!!如果叫圍菜我都會再黎幫襯!!

話說今日慶祝父親節,諗住去近近地老豆返工地方食,老豆話呢間抵食兼好食,不過我覺得好麻麻囉!!黎到首先叫左兩個小食餸下啤酒!!個海哲麻麻, 無乜味, 好似食橡筋咁!!不過個五香牛展都唔錯好入味!!值得叫, 鹵水味非常之香!!之後黎左個欖角一字骨,真心覺得有D伏, 完全無乜味!!好似咬緊舊無咩味既肉咁,以後都唔會再叫囉!!陳皮蒸鮑魚又係伏,隻隻鮑魚都韌到喊, 好似趙香口膠咁!!我地圍有個小朋友值頭食唔到吐返出黎!!龍蝦伊麵不過不失, 都OK多肉,但係伊麵份量少到嚇死人,一個小朋友筆完之後機乎無晒!!好似一人份咁...成晚最好味我諗都係呢個片皮鴨!!除左皮之餘啖啖肉,因為我自己本身唔太鍾意食老北京果種,全部齋皮, 反而有少少肉啱晒我胃口!!不過最慘佢做唔到一鴨兩食!!有時拎個鴨殼炒下苦瓜都幾好丫!!(不過佢地無!!)小炒皇都唔太差!!有返水準好有鑊氣!!食起黎好爽, 唔會話炒到老晒淋之之咁!!最後呢個蒸斑頭腩都係有少少伏!!D魚肉有少少霉...味道較到有D鹹, 唔知係咪想蓋過唔新鮮...成碟都好油, 覺得食左魚都唔太健康...整體黎講, 價錢係抵食既, 不過都反映左質素!!服務又麻麻, 令你

呢間酒樓轉手多次我同朋友久不久早茶及晚餐雖然唔講得好好.....起碼裝修格局都唔算差！！！晚市唔使搭臺坐得舒服...最喜歡叫片皮鴨,之前$98不過兩個月前加了價要$128所以呢輪改叫其他！！！上星期六在附近睇完戲又嚟食...叫在個晚飯孖寶，南非鮑四隻加個灼蝦，送大藍妹啤酒再加一條特價蒸一條沙巴龍躉白灼蝦雖然細碟而且都講明十隻！但係蝦肉夠爽無一隻會梅...南非鮑算大隻食落有質感...條龍躉睇落足十至十二兩,新鮮夠滑...埋單兩百幾,伙記招呼都唔差！應該會繼續幫襯...

自己公司在官塘富園豐附近，疫情下常去外賣自取$40一盒，視乎人數一次電話落單的九折或八折優惠，食物質素甚佳，昨日買的菠蘿咕嚕肉飯，酸甜香口，猪肉新鮮，菠蘿爽脆，米飯香滑尚熱，份量足，其他飯盒亦不錯，如福建炒飯，雪菜肉絲炆米，點心拼盤等等，適合不同人的口味，稍後再一一評述，實在是官塘工厰區打工一族經濟實惠的午膳選擇

呢間酒樓唔係好近地鐵站商場嗰邊，不過朋友介紹都過嚟試吓，疫情下都多人排隊假日全部點心大、中、小點$16.8，特點照價，另有特價點心潮州粉果、鮮蝦菜苗餃、四寶雞扎 - 份量好夠👍🏻皮薄足料，好味流沙奶黃包 - 好耐冇食過會流沙嘅流沙奶皇包沙律明蝦角 - 個樣同平時食嗰啲唔一樣，成個炸蝦餃咁樣⋯叉燒瀨粉 - 叉燒夠冧身燒賣 - 太多肥肉麻麻地埋單三人加埋唔使$ 200 以呢個價錢，點心質素算係非常好👍🏻👍🏻💯💯