初見 (已結業)

初見次次見親荃灣果間都好多人排隊，今日早放工喺旺角分店見到唔多人就試下。🥩香草吉列牛，外層吉列皮有微微香草味，唔算太重，都幾特別。牛扒睇落好新鮮，喺熱石煎兩煎都過癮，入口都鬆化Juicy。仲可以加錢轉讚岐烏冬，湯底係豬骨湯，烏冬彈牙，最後食到唔會淋。🍜日式叉燒豚骨湯拉麵，叉燒大大塊入口即溶，拉麵比較幼身，掛湯汁一流，有粟米、紫菜、海帶做配菜，都幾豐富。🥗青瓜蟹籽沙律，食完啲油脂豐富既肉類，食返啲青瓜絲清新一下，感覺係唔同啲。仲有大量蟹籽，脆卜卜口感。食少少蔬菜，又可以繼續enjoy 個吉列牛👍🏼