影片
更多
2017-12-08
70 瀏覽
安格斯西冷牛扒 $248好耐無鋸扒 其實本人對肉類沒有太大喜好 肚容量小容易飽的朋友會懂的今次黎到呢度鋸扒同以前西式既有啲唔同 日式玩法 main dish全部都係set跟前菜跟沙律跟飯連飯素 幾新奇本來我想叫頂級板腱牛或者薄切牛肩扒 不過賣哂 當時晚黑七點都未到 睇黎間鋪麻將雖小但幾好生意 最後同友人share左份西冷同吉列牛 好似更加有代表性既吉列牛另外撰文講 接住講返份西冷先利申鋸扒得黎都好少食西冷 因為怕韌 同時又唔鍾意食太生 好在呢份七成熟既西冷質素有返咁上下 肉質比食開既細嫰 切開睇肉質顏色都仲見少少紅證明無over-cooked 另外食開西冷扒既都知牛既呢部份相對薄身 肉感就無咁重 適合對大大件肉怕怕既女士 塊扒近邊有些少筋位要落力啲切 不過就唔多既可以接受 牛扒上面有些許乾蒜 仲有上三種調味材料 分別係鹽同埋兩碟疑似醋同燒汁 配合牛扒食口感無咁齋肉咁寡 個人就鍾意燒汁配頭先講左除左塊扒份set仲有前菜 即是芝麻醬豆腐 香滑味濃凍食開胃 沙律菜就standard 跟飯既飯素就可以講下 飯素其實係一種以打碎海苔鰹魚芝麻等材料為粉末狀用以拌飯既日本調味料 落係飯面簡單直接又有
安格斯西冷牛扒 $248
好耐無鋸扒 其實本人對肉類沒有太大喜好 肚容量小容易飽的朋友會懂的
今次黎到呢度鋸扒同以前西式既有啲唔同 日式玩法 main dish全部都係set跟前菜跟沙律跟飯連飯素 幾新奇
本來我想叫頂級板腱牛或者薄切牛肩扒 不過賣哂 當時晚黑七點都未到 睇黎間鋪麻將雖小但幾好生意 最後同友人share左份西冷同吉列牛 好似更加有代表性既吉列牛另外撰文講 接住講返份西冷先
利申鋸扒得黎都好少食西冷 因為怕韌 同時又唔鍾意食太生 好在呢份七成熟既西冷質素有返咁上下 肉質比食開既細嫰 切開睇肉質顏色都仲見少少紅證明無over-cooked 另外食開西冷扒既都知牛既呢部份相對薄身 肉感就無咁重 適合對大大件肉怕怕既女士 塊扒近邊有些少筋位要落力啲切 不過就唔多既可以接受 牛扒上面有些許乾蒜 仲有上三種調味材料 分別係鹽同埋兩碟疑似醋同燒汁 配合牛扒食口感無咁齋肉咁寡 個人就鍾意燒汁配
頭先講左除左塊扒份set仲有前菜 即是芝麻醬豆腐 香滑味濃凍食開胃 沙律菜就standard 跟飯既飯素就可以講下 飯素其實係一種以打碎海苔鰹魚芝麻等材料為粉末狀用以拌飯既日本調味料 落係飯面簡單直接又有味 我屋企都擺左幾支咁既懶人恩物 因為佢我係真係食多左飯既 不過好似唔係好試得出其他人食到既七味粉 可能我辣點較高
吉列炸牛扒 $188
其實我覺得餐廳既呢份吉列牛都幾signature 無論present定味道都係 而且又夠日式
初步炸過下既吉列牛上枱會跟個石鍋點著埋火 睇肉質顏色係幾粉紅 想要幾熟就自己燒 我自己係兩邊燒10-15秒 入口即溶係誇張左但係食落口感真係幾唔錯 咁即燒法當然溫度有保證相機食完都唔怕放涼 自己落下手參與度高左又好似開心啲 而且切定哂無其他成塊扒上咁肉感食落無咁膩
所有主食都係set包豆腐沙律飯素 炸牛扒既配料一樣有乾蒜有鹽有醋有燒汁 成份set我個人滿意 價錢又平過其他主菜 個人推介必試
炸雞軟骨餃子 $45
兩個人叫兩個set再加一份小食 選揀左雞軟骨餃子
炸得外皮香脆可口 皮薄唔會成團粉既感覺 內裡雞軟骨咬落shokshok聲 配上酸辣醬無咁dry 呢個價有五條我覺得都算可以
張貼
