一遊

營業中

休息中

餐廳在合和中心，環境舒適，布置温馨，適合一家大細去。第一道菜係刺身拼盤，有油甘魚，三文魚，赤蝦，吞拿魚，帶子，全部刺身都十分肥美新鮮。第二道係灸燒三文魚飯卷，呢個不過不失，正常水準。第三道菜係野菜天婦羅，有茄子，秋葵，南瓜，香脆唔油膩。第四道菜係串燒，有燒牛肉車厘茄串，牛肉本菇串，翠玉瓜串，全部都好有肉汁。第五道菜係野菜豆腐湯，清淡得黎好鮮甜，豆腐清香嫩滑，食左肉要有菜先健康。第六道菜係豚肉石鍋飯，豚肉鮮香有肉汁，飯有飯焦，加上熱辣辣香氣十足，好惹味。最後一道菜係燒三文魚鰭，師傅話新鮮即劏即燒，充沛魚油香，鹽燒已經好好味。