美心皇宮 (綠楊坊)

營業中

休息中

又係食飯嘅時候，響荃灣綠楊坊嘅美心皇宮。座位算係寬敞，樓底高、光猛，環境都叫做唔錯。濃湯肘子花膠扒，望落Menu就被呢道菜吸引，上到嚟都好靚，濃湯雞熱住的，花膠都好大塊，但係見到上面仲有好多黑色嘅一粒粒同埋比較腥。就係因為洗得唔乾淨。如果唔係呢道菜應該幾好食。乳豬叉燒都唔錯，由於我哋比較早到，乳豬要燒，所以呢碟餸都等咗比較耐先出，叉燒肥瘦均稱，乳豬就冇乜多餘嘅脂肪。油浸藍鱈魚其實我唔係好知藍鱈魚係啲乜嘢野，我本身係期望油脂比較豐富嘅，但係點講呢條魚唔係好似想去品種。味道都唔錯，不過以油浸來講佢嘅油溫應該高咗一d，所以似係炸，而魚肉又真係唔夠滑。沙薑煎焗雞，砂薑同雞嘅調味唔會死錯人，煎左嘅雞就會好香口，但係由於佢唔係用新鮮雞，冇乜雞味，相對調味就要增加，所以呢道菜我嘅評價係麻麻。