雲長小龍坎老火鍋 (已結業)

家姐成日都話想食正宗麻辣火鍋，我今日就諗住同佢嚟幫襯呢間人氣火鍋店雲長小龍坎啦，點知家姐即刻話我懶醒，事關呢間火鍋店係國內好出名，佢一早就試過喇😅😅😅。我地點左麻辣藥膳鍋，麻辣湯底辣得嚟都幾清爽喎！Yes, 你冇聽錯，係清爽呀，事關個紅油湯底冇多餘配料，只有所以紅油好清徹，辣度十足又帶淡淡油香。而藥膳就非常温和補胃，用淮山、杞子同龍眼等熬煮😋。兩個人食火鍋就唔亂點， 要點精啲但又要試多幾款不同種類。所以我地點左龍哥牛肉捲、玟瑰豬頸肉、客家梅菜豬肉丸、凍豆腐、尖椒皮蛋、同即炸紫菜響鈴。個牛肉捲好好味肉質嫩滑味濃，中間夾左莞茜更香👍。豬頸肉爽口得嚟唔會太肥喎。梅菜豬肉丸梅菜味夠哂香濃，肉丸有咬口唔似一般攪肉咁梅得得，好有住家風味😍。凍豆腐係標準冇得輸之作😏。尖椒皮蛋都好有水準 用料一啲都唔馬虎。反而個響鈴我就嫌腐皮唔夠厚同層數唔夠多，所以豆香唔夠濃咯。