影片
更多
2015-02-16
7929 瀏覽
經常光顧的一間日本餐廳，尖沙嘴返工的打公仔難免偶然一次半次吃貴价食物。今次，我們來到這間餐廳，第一時間梗係攞位啦，午市時間本來應該外面有服務員招待，但我們每次來到門口，都只有一盞吊燈傾瀉下來，鳥無人煙，咁我地唯有好無禮貌咁沖入去，然後尋找侍應的蹤跡，幾經波折，終於有坐的機會。午市餐牌都還算多野選擇，不過我淨係影左咁多次都覺得唔錯又值回票價的食物分享俾大家。落完單，上菜速度還算快，可能因為工作壓力比較大，侍應都比較粗魯地放低食物，轉身就迅速離開現場。終於可以討論食物了，個人認為做日本餐，最緊要係用料夠新鮮，尼間餐廳就正中下懷，新鮮的魚生加上暖暖的日本珍珠米，一齊入口，魚生的鮮味回甘，海膽的分量亦都非常足夠，鮮甜，帶子更加不用再多加形容。尼個餐的分量對於食得唔多的女仔嚟講，確實有點過，不過對男孩子而言，的確非常滿足。日本咖喱豬扒飯，本來都頗有信心，因為畢竟係比較傳統的日本食物，於是就試下，嚟到的時候，熱辣辣岩岩炸出嚟的豬扒，還冒著煙，於是更加有信心試食日本咖喱，一擺入口，完全無日本咖喱的感覺，完全係印度咖喱的味道，我開始懷疑，日本咖喱豬扒飯無左日本咖喱仲係唔係日本咖喱豬扒飯呢？尼個套餐確實
今次，我們來到這間餐廳，第一時間梗係攞位啦，午市時間本來應該外面有服務員招待，
但我們每次來到門口，都只有一盞吊燈傾瀉下來，鳥無人煙，咁我地唯有好無禮貌咁沖入去，
然後尋找侍應的蹤跡，幾經波折，終於有坐的機會。
午市餐牌都還算多野選擇，不過我淨係影左咁多次都覺得唔錯又值回票價的食物分享俾大家。
落完單，上菜速度還算快，可能因為工作壓力比較大，侍應都比較粗魯地放低食物，
轉身就迅速離開現場。
終於可以討論食物了，
個人認為做日本餐，最緊要係用料夠新鮮，尼間餐廳就正中下懷，新鮮的魚生加上暖暖的日本珍珠米，一齊入口，魚生的鮮味回甘，海膽的分量亦都非常足夠，鮮甜，帶子更加不用再多加形容。
尼個餐的分量對於食得唔多的女仔嚟講，確實有點過，不過對男孩子而言，的確非常滿足。
日本咖喱豬扒飯，本來都頗有信心，因為畢竟係比較傳統的日本食物，於是就試下，嚟到的時候，熱辣辣岩岩炸出嚟的豬扒，還冒著煙，於是更加有信心試食日本咖喱，一擺入口，完全無日本咖喱的感覺，完全係印度咖喱的味道，我開始懷疑，日本咖喱豬扒飯無左日本咖喱仲係唔係日本咖喱豬扒飯呢？
尼個套餐確實係本人非常喜愛的，因為本人比較喜歡食牛肉，中意牛獨特的肉味同texture，鐵板上的牛肉，嚟到，恰到好處（不過我都覺得可以再生d），還配有炸馬鈴薯，配菜。牛肉由於處理得不錯，入口的時候，肉汁鎖在裏面，咀嚼中，肉汁穿過牙縫，香濃的肉味在舌頭上迴盪，淨係講到一個字：正！好快食曬一碗飯，都仲未食曬d牛肉，好野梗係慢慢食啦，嘻嘻。
其實尼間餐廳都唔錯的，不過去食真係唔好抱太大期望有很不錯的服務態度，食物同環境就可以保證。
張貼
