泰濃麵 (樂道)

營業中

休息中

放工約左同事黎到尖沙咀樂道食泰國野，聽講呢間主要食船麵，既然咁耐無去泰國，過下旅行癮都好嘅。餐牌上有好多食物配搭同麵類揀，呢次我地揀飛驒和牛船麵配金邊粉，因為想試下日系野同泰國野呢個組合會唔會有驚喜呢。點知真係有，和牛有入口即融嘅感覺，船麵湯底嘅濃郁同和牛係好夾。我地仲叫埋炸豬皮，因為可以浸住湯或者就咁食，香脆可口。另外仲叫左泰式小食拼盤，裡面有蝦餅，雞翼，芝士雲吞，其實芝士雲吞係好得意，香脆外皮加埋濃郁嘅芝士餡料，值得推薦。而飲品就叫左青檸梳打同泰式蝶豆花特飲，都係好清新，好飲嘅。