維亞軒餐廳 (已結業)

之前在永安百貨後門間維亞軒食過下午茶，覺得食物質素唔錯，今日路過佐敦，見有分店，就入內試吓食午餐。餐廳位於德興街，周圍環境有D雜亂，餐廳內裝修略舊，但整體都乾淨企理。見有午市套餐，就選擇了香煎雞扒配薯菜和薄牛扒拼燒豬仔骨配燒汁意粉。套餐包括餐湯和多士，意大利菜湯雖然蔬菜不多，但味道可口。雞扒有兩大件，食落有雪味，用黑椒汁也遮掩不到，我吃了一半就停了，可幸炸薯角夠香口，我只好用薯角充飢。至於朋友的薄牛扒拼燒猪仔骨，牛扒煎得過熟，燒豬仔骨蜜味香濃，值得一讚，最敗筆是意大利粉煮得太耐，毫無咬口。最後奉上的咖啡，由於有股燒燶味道，令我只喝了一口就放棄了。