維亞軒餐廳 (已結業)

之前食過幾次早餐ok的，因為茶餐廳價錢，又可以坐得舒服D。今次第一次食午餐，對於食物質素有D失望，點左雞翼司華力腸配沙律，炸雞翼冇乜味道；友人點左西冷，個人唔鍾意牛扒落粉既口感，不過薯角炸得好味。值得一讚係待應服務好。🙌

本身想去佐敦德興街間無肉食試下，眼見坐無虚席但又唔想等，就喺同一條街揾過另一間餐廳食。其實有兩三間都ok，不過就畀呢間餐廳有免費飯派嘅舉動吸引住，希望幫襯去支持下。近兩點入倒餐廳，侍應叫自己揾位。坐低後望望先知原來餐廳都算幾大，有大概二十(?)張枱左右，卡位都有唔少，而且空間闊落，坐得好舒服。餐牌選擇多，午餐(上午11:00-下午3:30供應)都有大概六七款。除咗午餐，兩點入座嘅好處係可以揀食午餐或者下午茶(下午2:00-7:00供應)。我叫咗黑椒汁豬扒意粉午餐($62，免加一)，包餐湯、蒜蓉多士及$20以下熱飲(凍飲加$3)。意式雜菜湯，甜都不得了，飲晒肯定會誘發糖尿。蒜蓉多士ok，微暖，都脆嘅。豬扒揼到好大塊，好冧，不過明顯係有用梳打水浸。意粉質地唔錯，有啲咬口。熱咖啡係港式風味，微酸，味道唔錯。

試咗吉野家新出嘅會員朝食早餐，我今次揀咗吉列魚柳丶茄汁豆丶炒蛋丶多士配熱咖啡☕️🍽熱咖啡唔夠大xx的即磨咖啡咁好味，不過都唔太差☕️多士係有少少脆，有1粒軟牛油。茄汁豆就正正常常冇咩特別。吉列魚柳係䁔暖地，外皮香脆，這個好食👍🏻沙律醬係正常。炒蛋都ok。成個早餐的份量唔算少，真係有飽嘅感覺👍🏻

佐敦德興街的一間西餐廳。。。維亞軒餐廳最吸引客人來幫襯的就是晚上7:00前仍有下午茶餐給你選擇。下午茶餐亦有多款種類的食物。。。茶餐，小食類，粉麵類，飯類，樣樣都有。由40元起至60元都有！今日，我叫左個特價下午茶餐- 炸雞脾沙律（$30包熱飲）非常抵食！炸雞脾夠脆，唔太油，唯沙律不夠新鮮！扣分了！肉醬麵大利粉是很多人會Order的食物，肉醬味道濃郁，賣相也不錯的！ 另外，一口西多士，口感幾好！ 茶餐多士係奶油多士，抵食！

今日3點半左右從油麻地行去佐敦方向，見到後行好多老人家，有幾個揸拐杖的，有些白晒頭髮，再行前少少見到鋪面海報，先知維雅軒餐廳有派飯活動（恆豐後面），本身諗住食下午茶，所以入去支持下。入面裝修係西餐廳格局，座位夠大，卡位坐得舒服。餐牌食物算幾平，好似平過茶餐廳。食物係普普通通，不過都算Okay, 可能我叫簡單野，都無咩好寫，但係橫掂1個人食，又唔係試貴野，我就支持返呢d良心餐廳，或者社企。4點半先派飯，d 公公婆婆未夠4點都排定隊，雖然餐廳有派籌，盒飯對佢地嚟講好緊要，應該唔係派好多個飯盒。講真而家閒閒地四十幾蚊個茶餐，5，60蚊個牒飯，我都覺得幾貴，又唔係人人都住深水埗有2餸飯賣嘅地方。請大家行過支持共渡時艱。

今日去左佐敦 shopping, 去到近 7點左右…搵左一間叫維亞軒餐廳食 dinner。入到去…幾企理，唔使排隊，內裡唔算多人。咁我哋就坐低後…叫左美式什扒餐碟上（內有豬扒，雞扒，腸仔，火腿，太陽蛋，薯角和雜菜）,有兩款汁可以配搭（黑椒汁和燒汁），我哋就揀左燒汁。另外叫左意式茄醬三文魚意粉（配料有三文角，蘑菇片），兩個餐都有餐湯，餐包和餐飲品。揀左一碗忌廉湯，意大利雜菜湯，兩杯熱好立克…整體好大份量…不錯既味道，好滿足

差不多有兩年沒有幫襯個維亞軒嘅下午茶，之前維亞軒給我的印象幾好又有歌聽又靜靜地幾好坐，食物質數又唔差下午茶又可以食到七點係佐敦嘅旺區真的好難找到，不過今日真的令我有啲失望下午茶時段兩個人叫咗兩個餐一齊share，一個蜜糖烤雞翼配鮮果沙律另一個三文魚焗法包，蜜糖烤雞翼餐一到已經覺得好奇怪唔知啲蜜糖去咗邊……一望就是一隻普通嘅炸雞翼，仲要四十一元下午茶竟然得一隻發育唔多健全好細隻嘅雞翼，我印象中之前食過係有三隻蜜糖雞中翼，到三文魚法包塊三文魚薄過張紙法包唔夠脆，唔怪得今日下午茶時段這麼冷清真的希望餐廳可以回復以前嘅水準。

早上要去附近醫院聽講座，就喺佐敦站附近揾餐廳食早餐。黎到呢間維亞軒餐廳，環境都唔錯，比其他茶餐廳較企理舒服。食物定價就貴過茶餐廳少少，叫左個兩餸麵配多士，味道一般。仲叫左個雞扒配公仔麵，賣相麻麻，味道非常一般。

Boyfriend and I were originally going to another place to eat but as the queue was WAY too long, we were lost as to where next. As we ducked into a side street, we found 維亞軒餐廳 (English name: Via Restaurant). Noticing a good number of diners inside, we went in.As it was afternoon tea time, they had an afternoon tea menu that was quite extensive.  Menu in English and Chinese. There is no 10% service charge. All come with a standard drink.Boyfriend had the $47 all day and chose a beef steak, satay

維亞軒係一間普通平民餐廳，但勝在菜式選擇多，環境舒適，價錢合理，整體中規中舉，間中亦意想不到咁煮得好好味。今次推出新菜式—油麥鯪魚石頭飯，連餐湯及飲品。本來以為只有食小菜地方先會煮得好味，點知飯菜份量係一比一。將白飯倒落石頭鍋，㩒實佢變咗飯焦之後再撈混，勁好味😋

第一次嚟，因為貪方便，近佐敦地鐵站，餐廳地方有改善嘅空間面積頗大，亦有不少食客，不用等位，點了客豬扒意粉，醬汁太多，意粉可以再熱啲，尤其天氣開始凍，有改善嘅空間

佐敦一帶，七點前仲有下午茶，簡直大發現，鄰近佐敦站，幾十蚊有交易，要求唔好太高，又坐得舒服，這裡是一個好選擇！因有事相討，諗住靜靜地傾吓計，食野只是其次⋯⋯大概6:50pm 所以餐廳唔算多人⋯⋯打開餐牌，旺區七點前仲有下午茶，確實少有，難道是自己舖下午茶真是很多選擇，由$38至$53不等⋯⋯由於第一次嚟，樣樣點一些比較隱陣㕑師推介餐包括的忌廉湯和餐包，味道一般，可惜唔熱黑椒牛肉意粉，$45包餐飲，真係好抵食。芝士焗海鮮飯，外表OK,內裡淡而冇味最精彩就是這個沙嗲雞絲螺絲粉，明明餐牌寫雞絲，原來是雞柳在切割上，其實都不是太大影響，最奇怪是那醬汁，味道令我聯想到早餐的沙嗲牛肉湯意，用那個沙嗲汁嚟炒意粉，味道怪怪㕑師推介餐的BBQ豬仔骨$98, 和餐牌的圖片很大落差，真實細件好多，相比之下，真係下午茶著數好多甜品是意大利蛋糕反而有驚喜，雖然甜了少少，但估唔到出會在碟上吱花，看得出有點點誠意整體上，就店食物唔算出色，但地點在旺區嚟講，價錢平，唔收加一，又可以靜靜地傾計，都算是一個好地方

光顧午市的香煎龍脷柳拼豬扒意粉，以及美式西冷牛扒配薯菜。這是午市套餐，故包有蒜蓉多士、餐湯及飲料。蒜蓉多士是正常的，什菜湯味道都不算差。但主菜就像很一般的茶餐廳用來做早餐的貨式。話香煎龍脷柳，但是沒有香煎的味及感。成條都淋淋的，豬扒質地亦很淋，很鬆，完全沒有肉的質感。還有那西冷牛扒，份量足的，但是味道除了鹹外，嚐不到牛肉味。塊扒還夾著大邊筋及肥膏，只有三分二可食。口感如豬扒一樣，根本沒有肉質的咬感。所配的薯菜，是薯角，夠脆。$68一個餐，雖不算貴，但完全唔值。不會再光顧。

我和Honey常常在五點半至六點之間到佐敦覓食，因為晚上還有會議。一般餐廳已經過了下午茶時段，但吃晚飯，又太早太豐富了。今天經過德興街，發現這間西餐廳，格局似花園餐廳，座位舒適，地方潔淨，就入去試試。發現這裏的下午茶餐，供應至晚上7時，而且炒意粉飯之類，連餐飲，也只是40多元 。而晚餐，也只是50多元。還有全日茶餐，不需40元……簡直是廉價新發現！環境都OK。Honey叫了晚餐，咖哩雞飯配熱檸水。咖哩雞是南洋咖哩，很滑的咖哩，椰香濃，不錯！黑椒牛肉炒意粉，材料豐富。黑椒不太辣，剛好，很惹味。奶茶好大杯，夠地道的香式風味。下午茶餐或晚餐，只需40-50多元，而且味道不錯。簡直是驚喜新發現！

呢間界乎茶餐廳與西餐廳之間嘅餐廳，因為友人告知下午茶到七點，我急急來會一會佢嘅“下午茶”。我猜測有好多人都好似我噉，當個下午茶係晚餐噉食，臨近七點，啲姐姐真係忙到氹氹轉。金䱽魚燴意粉 ($45) - 哎呀！我真係孤陋寡聞，原來金䱽魚即係吞拿魚，我呢碟 “白汁吞拿魚意粉” 味道普普通通，份量絕對唔係下午茶，吞拿魚肉都不少，似罐頭水浸吞拿魚，$45 仲有杯嘢飲，OK 啦。公司三文治 ($48) - 竟然無我最怕嘅煙肉，改而換之係一塊醃過嘅雞扒，蕃茄、青瓜、菜都OK，仲有啲蛋添，有誠意啊！總平分OK。