滔滔甜品

營業中

休息中

星期六夜晚，座無虛席。門口企左一堆人等位，我地都要等大約5分鐘至有位。裝修好有懷舊feel...見到牆身掛有舊式郵箱，好有港味，而主力供應港式糖水同潮式糖水，仲有冰凍西米露、黑珍珠同涼粉等等。單憑呢張介紹芝麻糊嘅做法，就睇得出佢地對甜品嘅堅持。腐竹馬蹄綠豆爽（$22，熱）潮式糖水黎講，我淨係食過九龍城果間。呢度價錢贏晒，味道都對辦，唔算好甜，綠豆爽同馬蹄粒都好有咬口。熱紅豆沙（$17）加芋圓、地瓜圓（$7）超rich嘅一碗糖水，紅豆煲得綿密，加$7有芋圓同地瓜圓簡直超值，因為芋頭味同地瓜味都好足，口感好煙靭呢！