全記海鮮菜館

營業中

休息中

芝士龍蝦伊麵底根本係芝士伊麵龍蝦殼底，啲肉少到喊。椒鹽鮑魚每人一隻，無鮑魚味，得個鹹字，都唔知食左啲咩。加$98將海上鮮升級左沙巴龍躉，我未見過沙巴龍躉可以咁細條，仲細條過倉魚，1斤都唔知有無。蒜蓉粉絲蒸元貝都係每人一隻 真係元貝，唔係扇貝，無群邊，睇得出係組裝出黎，唔會係新鮮貨。薑葱炒蟹簡直係垃圾，4個人得2隻蟹，少到呢，味道無特別。蒜蓉白菜仔一般，但比起上面嘅海鮮簡直係一流。總括而言，絕對呃秤呃錢，強烈建議唔好去試，不可一，不可再，試左都唔會返轉頭再去食。仲有完全食唔飽，食完去M記食多個餐先走