拉麵台風

好耐都冇食過拉麵，就去食我平時最愛嘅台風拉麵啦！

估唔到佢終於都出其他顏色嘅暴雨拉麵啦!!! 但竟然係芫荽豬骨湯拉麵$83，雖然我個人唔討厭芫荽，但都想一試，睇吓自己接唔接受到🤣🤣

拉麵一到枱，就有淡淡嘅芫荽味，味道唔算太濃烈，叉燒上面有用芫荽同辣椒製成嘅醬油，如果鍾意芫荽嘅人可以選擇多啲醬油。

芫荽豬骨湯拉麵

$83

豬骨湯湯底帶有芫荽碎，應該就係香味嘅來源之一，飲落芫荽味唔太強烈，初試芫荽嘅朋友都應該接受到。糖心蛋拉麵叉燒水準都一如以往保持穩定。所以荃灣台風一直係我拉麵三甲首選。