稻埕飯店 (K11購物藝術館) (已結業)

放學去咗尖沙咀行街，行咗陣覺得肚餓所以去食下午茶。見到呢間餐廳做緊下午茶，有啲台灣嘢食，所以就入去試吓墨魚腸拼台式香腸滷肉飯 $78佢嘅滷肉飯都大碗，上面啲滷肉都足料、啖啖肉，味道又唔會太濃。而且，墨魚腸同台式香腸都幾好味，墨魚腸口感淋淋地，有淡淡墨魚味，幾得意。而台式香腸味道少少甜，都唔錯。中間仲有啲蔥同蒜片，配埋一齊食幾夾。凍黑糖珍珠奶蓋 （咁餐加$8）呢個飲品嚟到已經聞到好香嘅黑糖味，而且望落都幾靚。首先試咗佢嘅奶蓋，有少少鹹同黑糖味。飲落去嘅黑糖味就更加濃郁，幾好飲。佢嘅珍珠唔會好甜，整體嚟講啱啱好😋呢間餐廳係自助落單，但都要加10%服務費～但食物方便都ok