台灣館 (已結業)

台灣館內嘅菜式除咗有台式，仲有港式小炒，連雞煲，烤魚，火鍋都有。仲有原來飲品都有分台式和港式。款式多，任你配任你搭。今晚就試吓港式小炒加配台式飲品。蒜片黃花魚：黃花魚攤平底面都煎炸得金黃，色澤均勻，金黃色蒜片鋪在魚面。黃花魚外層穌脆，濃濃蒜香，魚肉又唔會炸得太乾而且冇腥味，伴着醬汁，好快就食晒成條魚。黃金日本南瓜，第一次食咸蛋黃夾南瓜，外層蛋漿唔太厚，幾香口。招牌小炒王，材料十足，大小蝦乾同鮮魷，最緊要係夠晒鍋氣，香噴噴。珍珠奶茶同熱薑母茶，唔太甜，好有台灣風味。