台灣館 (已結業)

🚩台灣館又嚟到接爹哋放工嘅日子，今日就同佢嚟咗位於得寶商場嘅台灣館！雖然聽佢個名好似係食台灣嘢，但其實除咗台灣嘢之外佢仲有好多唔同嘅小炒～啱晒同朋友一齊嚟食嘢🤤不得不讚嘅係佢哋嘅員工服務態度好好，有婆婆唔識點落單都超級細心幫手落😆〰️〰️〰️〰️〰️〰️〰️〰️〰️〰️〰️〰️〰️〰️〰️🌈大紅袍泡椒烤魚 $258烤魚採用咗先炸後烤嘅方法，皮嘅位置炸都到皺皺地，非常吸汁～另外有啲薄嘅骨位都炸到脆卜卜，好香口～雖然唔係幾食到佢用咩魚，不過好少骨，可以大口大口放心食😆魚肉都係保持嫩滑！佢嘅湯酸酸辣辣麻麻地，但又唔會話好濃味，食完要飲好多水咁🫶🏻而且魚嘅底下墊左好多配菜，大豆芽萵筍絲木耳等等～兩個人食一條魚真係好飽🌈水蓮炒豚肉 $74第一次食水蓮依種蔬菜，估唔到又幾鍾意食喎！食落超級爽口好似食緊貢菜咁😆而佢嘅豚肉係用豬頸肉，加埋大量嘅蒜蓉去炒，雖然唔係惹味小炒，但都好好eat🥹🌈珍珠奶茶 $13偷偷地飲咗爸爸一啖，佢哋嘅珍珠奶茶奶味比較濃。冇額外提出小甜，但甜度都啱啱好，喺出面普通茶飲店嘅小甜～珍珠都已經煙煙韌韌，有黑糖味🌈水蜜桃紅茶 $12呢個蜜桃茶對於我嚟講就甜咗少少，不過都有好處嘅就係飲到最尾都會淡😆