九份•十分 (河畔花園) (已結業)

之前成日見排哂長龍，今日六點就肚餓，見到唔使排隊，就入去試下。店內佈置好有台灣感覺，周圍都有台灣嘅感覺。見到呢個綜合水果茶好吸引我，即叫，入面有好多生果，有菠蘿，蘋果，話梅，青檸，橙，加個茶包，味道好好飲，有唔同果香味，熱辣辣的天氣下飲好正。鹽穌雞有唔同味道的粉，可以自己揀鍾意嘅味道，岩哂鍾意試多款嘅人。滷水拼盤(大)整體好入味，係鴨腎爭少少，有啲雪藏味。有好多鴨舌，好淋好入味。柯仔豬腸麵線，好有台灣嘅味道，諗起夜市啊！埋單剛好$200，兩人食好滿足