更多
2016-10-04
176 瀏覽
同朋友行開鴨寮街,見到一間新開食堂比個招牌吸引咗, 入去試下。話說台灣米苔目類似香港的銀針粉,但個質感味道有少少唔同,呢間食堂標榜係手打,所以就決定一試。點菜好簡單,好似譚仔咁,揀湯底揀餸,不過佢有兩款芝士米苔目,我地一行四人就決定試下。芝士煙肉香草腸米苔目幾惹味,不過米苔目我覺得淋身咗少少,佢本身加咗少少迷迭香令到個味更出唔錯。傳統湯底款,我地試咗 方魚湯底 同埋蕃茄湯底,餸種類選擇都有十幾款。樓面姐姐推介我地試豬潤同墨魚丸,真係無介紹錯!豬潤好滑唔鞋無腥味,墨魚丸好彈牙!同埋力讚方魚湯底,好味到成個湯底飲哂!蕃茄湯底有好多洋蔥煮到融,唔似其他餐廳主要只用茄膏。放湯米苔目好好味,我地相機食先,影完一輪米苔目都無話浸到淋曬。另外食堂飲品選擇好多,綠茶、櫻花可樂,菠蘿、蜜瓜波子汽水等等,可以飲下其他野,唔駛成日都係檸茶奶茶個啲。呢餐食得好開心,米苔目好味,份量好足。下次會再試埋其他湯底。
30 瀏覽
0 讚好
0 留言
張貼