小麻吉滷肉飯 (已結業)

星期日家姐唔得閒，的佢個最中意食台灣野既囡囡陪我醫治下我個台灣病發先！之前朋友有講過想食小麻吉，但次次都夾唔啱天時地利人和，終於可以去喇！下晝大概3點左右到，原來有下午茶喎！仲好抵喎！31蚊起有一碗飯或麵，加三款小食，再有一杯飲品！超值！我嗌左鹵肉飯配花枝丸，甘梅脆薯同埋小香腸加一杯少甜蜂蜜檸檬本身諗住兩個人要食三個餐share點知見到個份量都知夠哂食，鹵肉飯好入味，少少既汁已經夠撈成碗飯，珍珠米唔會太淋，有口感花枝丸同甘梅脆薯不過不失，半條既小香腸好好食，下次決定要叫兩份香腸先夠喉！蜂蜜檸檬少甜都頗甜姨甥女嗌左鹵肉飯配木魚豆腐，涼拌小黃瓜同鹵蛋加一杯凍珍珠朱古力木魚豆腐外脆內軟，半粒鹵蛋我無食，姨甥女話好好味，小黃瓜正正常常，凍珍珠朱古力好大杯！下午茶來講真係好抵！姨甥女一路飲一路話有啲oreo咁既味好正！下次一定要帶老公來食下先！