馬祖 (將軍澳廣場) (已結業)

- 為左捉緊堂食既尾巴，今次就同屋企人去左將軍澳新開既馬祖放題火鍋🍲。- 要滿足大胃王既慾望，簡餐廳真係唔容易，難得有新開既台灣放題火鍋店，緊係唔可以放過啦😝！- 我地簡左個Prime Grade牛肩胛肉放題套餐，岩哂 #食肉獸 ！- 今次湯底我地簡左藥膳蟲草花桃膠雞湯同藥膳台灣麻辣鴨血凍豆腐湯。湯底好快就到，所以我地都拿拿聲出去自助飲品區同埋調味料區拎野。飲品種類有好多，足足兩個大雪櫃！連熱飲櫃都準備好，冬天有得暖笠笠實在太好啦🤣！- 湯底好快就上左，而肉類第一轉都會主動送上，牛肉豬肉質素非常好，又薄又靚。麻辣鴨血東豆腐湯夠晒麻辣，好有台灣味，超好食！而蟲草花桃膠雞湯就好足料，有滿滿藥材，但好易入口。- 肥牛用左牛肩胛肉，超好味，好重牛肉味。而西班牙煲激素豬肉片都非常薄身，無激素健康得黎又唔肥，食多啲都唔怕！值得一讚係，每次叫肉類質素都好均等，唔會得第一轉係靚肉！- 其他材料都有好多種類選擇，連丸類都非常高質，種類包羅萬有！我覺得非常特別既有墨汁腸、芥末魚丸、台中福茂貢丸、甜不辣、芋泥貢丸、芝士小籠包、米血糕、金沙魚蛋、冬陰功蝦丸同芫荽燒賣。- 最後，我地雖然飽到郁唔到，但埋單都去簡