軟橋米苔目餐廳 (已搬遷) 新店位置

要去深水埗買電話卡，就去了軟橋米苔目餐廳，之前已經想試好耐，今次終於可以順道去試下。米苔目是台灣地道食品，外表與銀針粉及狗仔粉相似。這間餐廳飲品好多元化，除了一般的檸茶，還有日本、台灣飲品等。日本綠茶可樂 $19，好有綠茶香味，不太甜，好解渴。Q彈豆腐 $25外皮香脆，內裡好Q彈煙韌，好似有魚肉。藥膳雞腳 $28湯底有當歸、淮山、紅棗等好足料，雞腳夠大隻。台南豬手湯底是酸菜及黃豆，湯底好濃郁厚厚的，豬手肉腍，不肥不膩。酸辣米粉湯底酸辣味道剛好，辣中帶酸，好開胃惹味，選了金菇及豬肶，豬肶外表似燻蹄，好腍又爽口。手工米苔目 $40豬骨湯底豆卜，冬菇豬肉餃米苔目類似銀針粉，不過再幼細點，腍身一點，有米香。