養心殿台式養生鍋 (已搬遷) 新店位置

好友就快移民真係超唔捨得，所以我地決定呢幾個月就盡量見多啲。今晚大家決定黎一個火鍋之夜，大吃一餐。旺角就最方便中心地帶，大家各自返屋企都非常方便。餐廳裝修好中國風feel , 懷舊復古風味。先揀咗湯底再慢慢選配料，配料選擇都有好多。酸菜白肉鍋我向台灣最愛嘅湯底，酸咪咪好開胃，最適合夏天。免費追加多一份酸菜白肉，呢份白肉雖然比較肥但油脂香口爽嫩。手切牛肉（小）牛肉油脂均勻，入口軟嫩，肉味濃郁，超正👍🏻即炸脆響鈴上枱仲係新鮮熱辣，豆味香濃，放入湯底淥一淥，吸收咗湯汁更加滋味。黑柏葉店員叮囑只可以淥3-5秒，果然入口爽脆有咬口蟹籽墨魚滑墨魚滑爽口彈牙，口感Q彈，正👍🏻而家晚市只要向facebook打卡/簽到，就每人送一杯無酒精飲品（每位計），我地揀咗自家製杞子菊花圓肉露，味道清甜潤喉，好適合打邊爐嘅時候飲。