爭鮮迴轉壽司 (已結業)

爭鮮一間台式迴轉壽司店，超多分店，今次呢間位於深水埗。此迴轉壽司店有乜好食？冇，大部分壽司都是一般貨色。嚟呢度有乜好處？有，可以用幾十蚊價錢可坐30分鐘或以上。次次來深水埗行到疲累時，我都會來坐。有乜好食？墨魚壽司，大蝦壽司，帶子壽司都可以嘅⋯⋯以價錢嚟計返，算唔錯㗎啦⋯⋯唔通拾幾蚊比拖羅你咩⋯⋯壽司，選擇多，大部分都可接受，一分錢一分貨嘛。推介指數：6/10刺身，只有幾款，多數係三文魚，大蝦才有。推介指數：7/10湯，帶點咸，易口渴。推介指數：5/10其實此店初初開時，成日要排隊，仲排成一粒鐘才能食到，依家當然冇咁誇張了，不過晩飯時段都要排十多分鐘㗎。