頂好原味道1990

地道台式車仔麵 去到上環夜晚冇乜邊間舖開 諗住返屋企食 見到呢間燈火通明，間舖都好大 呢段時間 上環唔多人 但係呢間麵檔 都算有啲生意 有人流 原來 一間鋪食兩樣嘢 一邊食台灣麵一邊食日本麵 我揀咗食台灣麵 台灣麵嚟講 88蚊唔算平 原來佢送一個小食 可以揀鹽酥雞 咁就值返 仲送埋嘢飲 有杯唔甜嘅烏龍茶 好過飲汽水 味道唔錯 好有台灣風味 你話去到米芝蓮好好食一定唔係 但係勝在夠地道 鹵水夠香 等於香港車仔麵一樣未必有鮑參翅肚 但係有風味 鹽酥雞不過不失 最緊要有椒鹽調味 食緊街邊檔嘅嘢 但係環境都幾舒服 有張梳化坐下 夜晚唔係好爆場 一舊水落樓 可以慢慢坐 都幾好