小麻吉滷肉飯 (已結業)

女人街有間細細地嘅台式美食《小麻吉》，店舖雖小但大大招牌寫住《麻辣鴨血》，馬上就被吸引了😍《酸菜玉子麻辣鴨血鍋燒麵》，個名咁長都已經夠殺氣！仲有幾款面選擇：拉麵、新竹米粉、玉子面，我哋選了米粉。熱煱一上，必定鴨血沸騰！米粉好快吸飽湯汁，一啖啖從嘴唇到喉嚨到胃壁，麻辣感超爽！此時最好專心食嘢，否則吞錯喉嚨，後果自負！另外又叫了《肉燥炸豬扒麵》，肉燥賣晒就轉了滷肉，豬扒大大塊好鮮嫩，份量十足，豬骨濃湯好入味，麵條又滑又彈牙，值得推介👍然後某人喜歡吃茄子，所以某某人又叫了個《五味茄子》小食，配上醬汁酸酸甜甜好鍾意！😍飲品就真係抵到你唔信！《凍珍珠洛神花茶》《台式凍咖啡》大大杯先加$12！凍咖啡都只加$3！而且仲唔係套餐水準，而係一杯出邊可能要$50嘅好味解渴特色飲品！呢個真係要讚！最後加多$12，又有一碗細的《珍珠紅豆仙草凍》，仙草好好味，又係我最鍾意！但個肚已經填滿了，最終都係食淨少少😝整體餐廳環境整潔，店員有禮貌，而且主動介紹餐牌食物！食咁多美食，每人都唔使$100，性價比好高啦！#小麻吉滷肉飯 #給你窮遊台灣好味道 #旺角 #旺角美食