小麻吉滷肉飯 (已結業)

繼續同朋友係旺角搵D 平民野食，早幾日打波之前同朋友係旺角搵下野食。舊年去完台灣之後都好耐無食台灣野，於是就決定搵下附近有無台灣野。雖然係間餐廳地點唔係係大街大巷，但平日既夜晚7點左右黎到，已經有8成滿，好彩我同朋友都係兩個人，都可以唔使等位就有得坐低食。 睇反menu選擇都多，但幾好既係佢有晚市套餐，A+B+C套餐都係60蚊起，唔同食物就加反幾蚊咁。叫完野食就叫野飲，飲品款式都係幾多。 我就叫左肉燥飯配黃金雞扒加五味茄子，價值64元，配一杯凍珍珠芋香牛奶。 朋友就叫左滷肉飯配豬軟骨痂肉燥小茄子，價值66元，配一杯凍朱古力。 黃金雞扒皮炸到好脆，肉燥飯份量幾多，確實好有台式風，加埋杯飲品一個人70幾蚊，係旺角黎講性價比係幾高，唔怪得會咁多人食。