Lagom Kaffe (已結業)

係觀塘區，除咗apm，其實行遠少少近觀塘碼頭果邊，工業區得黎都有好野食，比我地發現咗呢度有間新開嘅Kaffe，食西式野，啱晒我哋！雖然今日係weekend過咗中午都要排一陣隊。好，坐低睇下有咩好食先。台北燉牛肉，望落去係牛肉意粉，但食落味道好驚喜，有少少台式麻辣加肉燥嘅感覺，但配上意粉又好夾，完全將中西菜fusion 到位。All day breakfast，腸同蛋煎得好靚，個菇炒得好香，而麵包就跟咗肉桂sauce，加埋新鮮沙律菜，all day 都啱食。Dirty，白上一片啡，首先飲一啖，感覺下咖啡既香，之後再攪勻，再飲一下咖啡既層次。伯爵茶芝士蛋糕，好濃郁好香嘅茶味，再加埋堅厚挺實嘅芝士，食完追住食。