安平燒肉

營業中

休息中

有個住荃灣朋友推介左間燒肉，但又唔係日式，又唔係韓式，係台式燒肉。台式？仲要係燒肉，聽落好好似怪怪地，但朋友極力推介之下，就試下。但要知道間餐廳好唔好食，梗係揀個最貴套餐『澳洲M5和牛120分鐘吃到飽套餐』食啦。以為選擇唔會太多，但應該係我見識少，食物選擇真係可以話係應有盡有，肉類就一定有架啦，仲要豬、牛、雞任君選擇。但不可不提，牛肉的質素相當高，唔駛點加醬汁，已經可以食到個原味，尤其係澳洲M5和牛、安格斯牛小排，食唔停口。除左燒肉，仲有唔少海鮮可以燒，有生蠔、青口、虎蝦等，感覺雖然相對肉類無咁高質，但味道食落都唔錯。個套餐仲有唔少台灣地道小食可以揀，鴨舌、炸蚵卷、手工伴面等。最後有雪糕或者甜品可以揀，既然來到台式食店，梗係揀佢招牌安平仙草芋圓，食落真係有種去左台北食住甜品感覺。