前排俾朋友瘋狂推薦，又見網上好評如潮，終於的起心肝去試咗將軍澳這間台式火鍋放題！環境夠曬寬敞，坐得舒服唔逼仄，一入門口就見到成排飲品櫃，台灣直送飲品多到眼花撩亂😍！
今次同朋友揀咗LV3餐（$328/位，100分鐘），有成92款食物任點任食！湯底我哋揀咗（上素蟲草木耳鍋）和（芫荽皮蛋豬骨鍋），兩款湯底都唔錯，香濃唔膩～主題港式小食超多選擇：爆漿咖喱魚蛋、瑞士雞翼、滷水牛孖筋……全部即叫即整，熱辣辣好惹味👍！
肉類推薦牛五花同月見封門柳，油花靚又嫩滑～仲有超特別嘅鬼馬油炸鬼、松露墨魚滑，台式炸物鹽酥雞同金沙芋泥球真心高質！甜品區有自製芋圓仙草，加埋爆珠超滿足～🍧杯裝雪糕有話梅豆腐味，清新解膩！
最正係LV3以上送夾公仔機會，食飽飽仲可以玩埋走～呢個價錢性價比爆燈，一定會再encore！💯
