一品活蝦 (已結業)

有同事好鍾意去台灣🇹🇼旅行同食嘢，佢推介過一間過江龍嘅居酒屋“一品活蝦”。今日行經砲台山港鐵站附近，於是向老婆提議，不如去試下😆。店舖面積雖小，但乾淨明亮，裝修亦別具風格，店內掛有大紅燈籠🏮，配搭木製枱櫈🪑，簡約美觀，令人覺得好舒服自在🥰。睇過餐牌📔，菜式貴精不貴多，而且都好令人期待😍。胡椒蝦 (細) $198一上枱已經有陣陣嘅胡椒香氣撲鼻而來☺️，一壺⚱️裏面大約有6️⃣~7️⃣隻大蝦，蝦肉🦐彈牙，蝦頭爆膏💥，味帶辛香🌶、越食越惹味😋。酸辣蝦 (細) $198蝦肉🦐同樣彈牙，味道有啲似冬陰功湯🥰，微酸但辣度🌶反而有後勁，醒胃🫀又惹味，越食越想食😋。鹹蜆仔 $138生醃鹹蜆仔🦪，味道集合鹹鮮甜於一身，質感嫩滑，佐酒一流🍺。冷盤油雞(半份) $78伴碟有大量薑絲🫚同蔥絲，店員推介配搭一齊食更加好味😋。雞件🐓已起骨，雞皮爽脆，雞肉結實冇多餘脂肪，味道鹹香，配上薑蔥一齊，非常好食😋。烤澎湖墨魚香腸 (半份) $68一碟有6️⃣件，伴碟有大量蔥絲同蒜片🧄，香腸灌入墨魚汁及墨魚粒🦑，所以好有墨魚味，表面煎得焦香，口感有層次又豐富，好食😋。總括而言，過江龍的確勁，無論食物、服務同環境都有質素，價錢又合理