小麻吉滷肉飯 (已結業)

是日係旺角呢頭做野，放下午茶出黎覓食，行行下見到呢間店爆曬場，好似好好食咁，於是決定膽粗粗一試！日日都有唔同既台式美食配搭，任君選擇，包你點揀都揀到。小麻吉來源又幾得意。聞到陣陣滷水香，忍唔住叫左份滷肉拼盤，有豬耳，大腸，豬肚，滷蛋，滿足曬我滷水之鬼嘅稱呼，秘製滷汁好夠入味，就咁食食到停唔到口，餸飯簡直係一流！主食點左份豬扒滷肉飯，配上醃蘿蔔同滷蛋。唔試唔知，一試難忘！滷肉簡直係世界級，啖啖咸香，肉質半肥瘦，豬扒亦用秘製調味香料醃製，十分味美！今次我會俾一百分！