茶茶台式料理 (已結業)

好耐無食台灣野，最左㨂左呢間茶茶，因為聽講佢個奶蓋茶好正。入到黎環境幾modern, 落單用QR code 幾方便。奶蓋茶茶八號： 個奶蓋好香滑，帶點咸咸地， 茶味又好清香，兩者混埋一齊非常好飲。香煎雞扒滷肉飯： 雞皮幾脆，雞肉嫩滑， 滷肉唔會太肥，個汁拎黎餸飯一流酸菜肥牛鍋： 未食已經聞到好香既酸菜味，湯底原來仲加左d 花椒，食到條利麻麻地幾過癮。一鍋有勁多料，有肥牛，酸菜，墨丸，蟹柳，蜆肉，貢丸，腐皮，金菇，榨菜，椰菜，娃娃菜，粟米，豆腐等等。驚喜仲有好耐無食既鵪鶉蛋，蜆肉仲幾鮮甜。 最後食埋追加既烏冬同粉絲，索晒湯底真係好入味，開胃。