一葉台灣料理

營業中

休息中

以前係呢邊工作嘅時候來過幾次呢度食午飯，呢度嘅午飯時段以台式便當為主。今日夜晚約朋友過來食晚飯，發現呢度夜晚嘅菜式唔只得一般台式餐廳嘅鹽酥雞、滷肉飯，亦有多款小菜。我地叫左蔥爆羊肉、滷蛋、台式鮮魚羹、紅燒牛肉麵。紅燒牛肉麵有四至五件牛肉，每件牛肉都十分嫩滑，湯底亦都調得幾適當，唔會太濃味，麵條都好彈牙爽口。滷蛋蛋上檯個時熱辣辣，醃得好入味，滷水味好突出！蔥爆羊肉用蔥、蒜爆香炒羊肉，味道調得幾好，羊肉嘅臊味被蓋過，味道十分惹味，水準幾高嘅一道菜！台式鮮魚羹叫左幾樣濃味嘅野，想叫個清淡少少，朋友就點左呢個台式鮮魚羹。魚羹比想像中大碗，好足料，魚羹味道幾鮮甜，裡面有好多切粒嘅魚肉，仲有幾隻蝦，魚肉軟滑、蝦肉都幾爽口！