一起食堂 (威利廣場)

營業中

休息中

今日去觀塘工業區分公司幫手，放工時跟咗分公司同事去威利廣場地下嘅一起食堂食晚飯。食堂以磚瓦居頂設計成日式小店，並以燈籠作裝飾，主打台式及日式便當。日式咖喱炸雞飯：炸雞熱辣辣外脆肉嫩，日式咖喱香濃順滑，香甜好滋味！原條蒲燒鰻魚飯：長過筷子嘅原條燒鰻魚，入口肥嫩軟腍，醬汁甜甜的，加上香葱和紫菜絲伴飯食，更添美味！鹽酥雞：香氣撲鼻的鹽酥雞，香香脆脆嘅口感就係經典台灣味道。烤台灣香腸：香腸色澤油亮熟度剛剛好，又香又甜。紅豆奶茶和檸檬紅茶，味道夠濃，不太甜。焦糖牛奶布甸滑溜甜美。