影片
更多
2022-02-06
51 瀏覽
病毒約定好6點後才出動, 我同朋友的飯聚只可以選擇係6點前, 形成下午茶食到晚餐的份量, 感謝777唷, 而我地今次就揀左呢間台式火鍋店, 一入到去比佢個裝潢吸引左, 勁靚！而且經過都見到有台灣手信賣, 掛住台灣的朋友都可以買D返去。套餐有幾個選擇, 而我地就揀左差唔多最貴的套餐C食, 而且佢有任食台灣小食, 而且台灣飲品都係任飲, 正。💋香濃椰子雞湯底及沙茶湯底，一坐低待應已經好貼心地提醒我地可以揀一人一鍋定鴛鴦鍋, 而我地考慮到以免影響到大家, 只好選擇一人一鍋罷了, 一上枱就聞到好香的椰子味, 奶白色的湯底, 畫面真美。而沙茶湯底濃而不鹹, 醬料區方面有唔少選擇, 最引人入勝的係居然有沙茶醬, 如果擔心隨住加湯的次數會溝淡左味道的朋友有福了, 可以自行調節味道。💋美國Prime牛肩押及SRF封門柳，呢間舖好貼心地係每一碟的上面都放左一條過左膠的紙條, 清楚地標明呢碟係咩肉肉, 呢2款肉令人印象深刻, 牛味香濃, 可以做到入口即化的感覺, 我地都叫左幾碟黎食。💋芒果紅茶及珍珠奶茶，呢度好多台式飲品選擇, 我就揀左芒果紅茶, 叫左佢少冰, 上到黎真係唔多冰, 但又凍凍地咁, 唔錯,
💋香濃椰子雞湯底及沙茶湯底，一坐低待應已經好貼心地提醒我地可以揀一人一鍋定鴛鴦鍋, 而我地考慮到以免影響到大家, 只好選擇一人一鍋罷了, 一上枱就聞到好香的椰子味, 奶白色的湯底, 畫面真美。而沙茶湯底濃而不鹹, 醬料區方面有唔少選擇, 最引人入勝的係居然有沙茶醬, 如果擔心隨住加湯的次數會溝淡左味道的朋友有福了, 可以自行調節味道。
💋美國Prime牛肩押及SRF封門柳，呢間舖好貼心地係每一碟的上面都放左一條過左膠的紙條, 清楚地標明呢碟係咩肉肉, 呢2款肉令人印象深刻, 牛味香濃, 可以做到入口即化的感覺, 我地都叫左幾碟黎食。
💋芒果紅茶及珍珠奶茶，呢度好多台式飲品選擇, 我就揀左芒果紅茶, 叫左佢少冰, 上到黎真係唔多冰, 但又凍凍地咁, 唔錯, 味道飲得出唔錯的芒果味, 飲到味真係食到有唔少的真‧芒果肉, 唔酸之餘又幾好食, 而朋友叫的珍珠奶茶飲落茶味香濃, 奶味幾出, 而且珍珠份量都唔少, 咬落彈牙, 勁正。
💋台灣香腸, 甜不辣, 紹興醉雞, 脆皮香蕉, 黃金流心芋泥球及榴槤炸彈，佢D台灣小食任食, 咁我地當然唔會執輸, 當然叫黎試下啦, 香腸整得幾脆身下, 配埋生蒜一齊食, 辣辣地, 幾刺激咁, 甜不辣佢炸到外皮好香脆, 內裡都幾彈牙下, 醉雞方面食落有濃濃的紹興酒味, 勁香, 脆皮香蕉, 果然切合名稱, 炸到個外皮勁脆, 裡面的香蕉又香甜, 勁正！黃金流心芋泥球方面，一咬就流出左金黃色的液體, 畫面真美, 至於炸彈又係值得推介, 勁香榴槤味, 喜愛榴槤的朋友必定唔能夠錯過！
💋羽衣甘藍, 鮮蝦腐皮卷, 花枝丸，係門口有個櫃, 放滿左好多蔬菜及火鍋配料, 勁多選擇, 而且有水氣放出, 確保唔會乾晒, 幾貼心, 而我地就揀左唔少配料, 當中羽衣甘藍勁正, 放係湯底焯一焯, 就食得, 食落幾新鮮爽脆, 唔錯, 佢鮮蝦腐皮卷方面, 做到外脆肉軟的效果, 而且蝦味香濃, 配埋湯底一齊食, 好正, 而且花枝丸真係好正, 食到有唔少的花枝係裡面, 勁足料咁。
💋芋圓仙草凍, 櫻花雪糕配迷你窩夫及紅豆巧克力配迷你窩夫，佢甜品的份量唔錯, 款款都細細地咁, 岩晒D櫻桃小咀的我, 哈！佢個仙草食落幾好, 甜度適中配埋芋圓的煙煙韌韌的口感, 唔錯, 而佢窩夫方面, 整得幾脆身, 配上雪糕一齊食, 一凍一熱咁, 勁正！而當佢配埋紅豆巧克力的稍甜味道, 配搭唔錯。
張貼
