湯•米 (已結業)

放工後係同區用膳， 餐廳主打一人火鍋， 共九款口味，台灣好出名既臭臭鍋都有。 價錢全部一百以內， 算係抵食。 每個鍋已經配有白飯或粉絲， 我地仲加點一碟炸魚皮。魚皮係每次打邊爐必點！四款醬料可供混醬： 麻辣粉、 沙茶、蒜蓉、豆瓣。飲品比到驚喜， 芝士奶蓋香濃， 叫左半糖， 飲落甜度適中。（p.s.個杯好靚)我簡左招牌臭臭鍋， 材料種類多， 例如：滷豆腐、肥牛、米血糕、大腸、鴨血、鵪鶉蛋、台灣貢丸、鳴門卷、蜆、蔬菜， 而辣度係小辣。個鍋份量都幾多， 食完絕對飽。將粉絲加入火鍋， 吸收曬湯底精華， 特別好味道。 朋友就簡左奶蓋咖哩鍋， 試左啖湯底， 有少少葡汁既感覺。