🍱 鹽酥雞便當 $65
鹽酥雞炸得非常之酥脆🔥 完全唔油膩，咬落仲有肉汁，調味啱啱好。想味道再重少少，旁邊仲有台式椒鹽粉畀你自己加，夠晒貼心。
🍱 鹽酥肉便當（肉燥另上）$69
佢嘅鹽酥肉非常有彈性，唔韌唔柴，好易咬開，調味亦都非常之剛好。呢款真係好推介👍
🦪 蚵仔酥 $50
蚵仔飽滿，外皮炸得香脆，咬落去嗰下蠔味即刻爆開，味蕾中爆發💥 好邪惡，但真係好好食。
🥬 醬油水蓮 $46
水蓮香港唔係間間有，呢個台灣特產簡單淋少少醬油，食落非常之清新🌿，爽脆口感一流。
🧋 芝士岩鹽奶蓋四季春青茶 +$20
食完咁多炸物，飲返杯茶中和一下，但加咗芝士奶蓋就即刻變成邪惡版台式奶蓋茶😆 奶蓋夠滑、芝士味濃，飲落非常之滿足。
阿木台灣麵真係屬於「點都唔會出事」嘅嗰種店👍 水準靚到比好多台灣菜餐廳仲要高，有返咁上下質素之餘價錢又合理。尤其係放飯想快快脆脆食返餐好味，呢度真係會返食再返食🔥
