533
20
14
餐廳: 鮨文
資訊:

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
等級4
1K
1
可能係香港最好味嘅Omakase 差啲以為自己去咗日本
2016-12-13 1166 瀏覽
A姐同好多香港人一樣，問親佢食咩好，一定係話食日本嘢，無他嘅，日本嘢係好食! 元朗鮨文聽就聽得多啦，主打 Omakase (廚師發板壽司)，不過就係未試過。今次終於可以去試下，睇下係唔係真係去咗日本咁!! 嘩!!! 一入到去就見到嗰Sushi bar，成個師傅橦喺你面前整壽司!! 食材每日由日本直送，新鮮到爆，話明廚師發板，就梗係唔新鮮唔食啦! 今日就係由阿信師傅拍板，食咩就睇佢啦!日本人一絲不苟，每個Details都做到好足，鮨文當然都係啦! 呢度嘅Wasabi係用鮮山葵磨成，味道較淡，帶啲甜味同芝麻味，好鮮味。金萡黑松露茶碗蒸 好啦，有得食啦! 一打開嗰蓋，勁香黑松露味，加埋金萡，靚到無朋友! 日本嘅茶碗蒸一向都係都係好滑，唔係好重蛋味，鮨文嘅當然唔例外。裏面有蝦，有芫荽，加配嗰雞湯嘅鮮味，無得頂!深海刺魚刺身(炭火網燒)一嚟到見到件刺身有啲白，好明顯係煮過。原來呢個係刺魚，而阿信話佢係用咗炭火輕輕網燒咗一陣，所以係半生熟。食落真係有陣燶味，好鮮味。清酒蒸蝦夷鮑魚配鮑魚肝醬蝦夷鮑魚係黑鮑類，比較凹凸不平。用咗清酒蒸過，食落有淡淡清酒味，非常爽口彈牙，沾埋嗰鮑魚肝醬仲正! 聽講嗰醬好
更多
A姐同好多香港人一樣，問親佢食咩好，一定係話食日本嘢，無他嘅，日本嘢係好食! 元朗鮨文聽就聽得多啦，主打 Omakase (廚師發板壽司)，不過就係未試過。今次終於可以去試下，睇下係唔係真係去咗日本咁!! 嘩!!! 一入到去就見到嗰Sushi bar，成個師傅橦喺你面前整壽司!! 食材每日由日本直送，新鮮到爆，話明廚師發板，就梗係唔新鮮唔食啦! 今日就係由阿信師傅拍板，食咩就睇佢啦!

日本人一絲不苟，每個Details都做到好足，鮨文當然都係啦! 呢度嘅Wasabi係用鮮山葵磨成，味道較淡，帶啲甜味同芝麻味，好鮮味。
Wasabi
10 瀏覽
0 讚好
0 留言

金萡黑松露茶碗蒸
金萡黑松露茶碗蒸
14 瀏覽
0 讚好
0 留言
  好啦，有得食啦! 一打開嗰蓋，勁香黑松露味，加埋金萡，靚到無朋友! 日本嘅茶碗蒸一向都係都係好滑，唔係好重蛋味，鮨文嘅當然唔例外。裏面有蝦，有芫荽，加配嗰雞湯嘅鮮味，無得頂!

深海刺魚刺身(炭火網燒)
深海刺魚刺身(炭火網燒)
36 瀏覽
0 讚好
0 留言
 一嚟到見到件刺身有啲白，好明顯係煮過。原來呢個係刺魚，而阿信話佢係用咗炭火輕輕網燒咗一陣，所以係半生熟。食落真係有陣燶味，好鮮味。

清酒蒸蝦夷鮑魚配鮑魚肝醬
清酒蒸蝦夷鮑魚配鮑魚肝醬
27 瀏覽
1 讚好
0 留言
 蝦夷鮑魚係黑鮑類，比較凹凸不平。用咗清酒蒸過，食落有淡淡清酒味，非常爽口彈牙，沾埋嗰鮑魚肝醬仲正! 聽講嗰醬好難整，師傅要用成個鐘先整到。得兩舊鮑魚，啲鮑魚肝醬一定會淨番! 唔洗擔心，我哋係唔會做大嘥鬼㗎! 阿信師傅會送上一球壽司飯，撈埋啲醬食，make sure每一粒都黐到啲醬呀!

伊左目壽司
伊左目壽司
31 瀏覽
0 讚好
0 留言
 食完刺身，係時候食壽司啦! 打頭炮嘅係伊左目壽司，係白身魚嘅一種。阿信師傅話配埋上面嘅薑蓉同辣蘿蔔蓉，就Perfect。嘩! 唔好講笑，真係好鮮，絕對無腥味，肉質較淋!

醬油漬櫻鳟壽司
醬油漬櫻鳟壽司
35 瀏覽
0 讚好
0 留言
 阿信話呢塊係野生櫻鱒魚，係三文魚嘅近親，不過較為高級。就咁睇真係以為係普通三文魚，都係橙色，有啲脂肪，不過魚香味較濃，而且入口即溶，正呀。

北海道點紋牡丹蝦壽司
北海道點紋牡丹蝦
22 瀏覽
0 讚好
0 留言
 考下大家點樣分北海道點紋牡丹蝦? 嗱! 我M佬就識吖! 就係靠蝦身嗰四點同頭部兩邊嘅花紋 (哈，都係阿信教嘅，我又會識啦)。你睇下隻蝦，有成隻手掌咁大隻!
北海道點紋牡丹蝦壽司
14 瀏覽
0 讚好
0 留言
 救命，真係好肥美呀! 入口比時食嘅蝦黏口好多，食得出佢真係新鮮，仲有淡淡嘅蝦鮮味，真係食到唔可以講嘢，我要好好享受!

活北寄貝壽司
活北寄貝壽司
21 瀏覽
0 讚好
0 留言
 平時食開紅色嘅北寄貝都係熟咗，今次食嘅係活北寄貝!! 食之前，阿信師傅叫我哋唔好影咁耐，一放落枱就要即刻食! 因為阿信會係上枱之前，拍一拍隻活北寄貝，佢就慢慢卷起!! 我哋驚叫完，就即刻食啦! 拍佢嘅原因係等佢嘅肌肉拉緊，食落比較爽口!! 真係好鮮甜同一平時嘅北寄貝無得比。

吞拿魚腩壽司
吞拿魚腩壽司
29 瀏覽
0 讚好
0 留言
 OMG! 阿信將成大舊拖羅拎出嚟切!! 我可唔可以食晒成舊? 你睇下啲脂肪，真係好似網紋咁，又非常平均，真係好吸引! 食落口真係入口即融，啲魚油香味湧出嚟，真係好正!!





三文魚籽杯
三文魚籽杯
16 瀏覽
0 讚好
0 留言
 你睇下啲三文魚籽多到就嚟跌落嚟，唔好以為下面啲飯整高佢，真係真材實料咁多，下面啲飯只係得嗰杯咁高。認真講，三文魚籽仲多過啲飯。好鐘意阿信加埋柚子皮碎作配搭，好清新，而且三文魚籽雖係自家浸漬，比時出面嗰啲甜啲。





海膽杯(紫針海膽)
海膽杯(紫針海膽)
29 瀏覽
0 讚好
0 留言
 哈! 仲未完呀! 呢個海膽杯都係一樣多就嚟跌晒落嚟。阿信知道我哋好鐘意啲三文魚籽，所以特登加料畀我哋! 呢個海脆杯係用紫針海膽。紫針海膽被譽為日本高級料理中最香甜又兼具海水鮮味的海產之一。食落去膽肉好肥大，鮮味得嚟又帶有少少海水咸味，口感都幾Creamy。啲海膽真係多到啖啖都係海膽多過飯。

羽立海膽(白海膽)
羽立海膽(白海膽)
111 瀏覽
0 讚好
0 留言
 紫針海膽並唔係最勁，原來仲有終極大老 -- 白海膽。白海膽顏色較淺，膽身較長，而且更為完整，膽肉就梗係仲肥美啦。入口同紫針海膽完全唔同，非常清新，係甘香清甜，而且口感較結實，海水味較少。阿信話唔係成日有得食㗎，要睇下好唔好彩，因為每年出產唔多。

魚湯
魚湯
31 瀏覽
0 讚好
0 留言
 鮨文嘅湯都唔同啲，呢個魚湯真係又鮮又濃，好明顯落咗膠質十足又夠熱熨的精彩魚湯作結，就完成很滿足的一頓。
靜岡蜜瓜
41 瀏覽
0 讚好
0 留言
 食埋甜品就真係正囉，日本嘅生果一向都出名甜，呢個靜岡蜜瓜啱啱熟，好清甜。阿信話蜜瓜外皮啲紋愈粗愈密，就代表愈甜，下次我識揀啦!
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
2 已推介
    張貼
    評分
    味道
    環境
    服務
    衛生
    抵食
    用餐日期
    2016-10-19
    用餐途徑
    堂食
    人均消費
    $1300 (晚餐)
    推介美食
    金萡黑松露茶碗蒸
    Wasabi
    清酒蒸蝦夷鮑魚配鮑魚肝醬
    北海道點紋牡丹蝦
    伊左目壽司
    活北寄貝壽司
    醬油漬櫻鳟壽司
    北海道點紋牡丹蝦壽司
    三文魚籽杯
    海膽杯(紫針海膽)
    羽立海膽(白海膽)
    魚湯
    靜岡蜜瓜
    深海刺魚刺身(炭火網燒)
    吞拿魚腩壽司