影片
更多
2018-04-24
7083 瀏覽
唔係誇張，高麗軒係我暫時食過最好食既韓燒放題，如果食韓燒我會首推呢度。一般放題都係粗製濫造，但呢度係每次食物都保持水準，輕調味，食材用料有質素，肉類唔會雪到變冰，全部都解凍好晒。晚市放題先係$218，想食好啲，upgrade野食先係加多$38，位處尖沙咀，地點方便，性價比超高。熊本霜降和牛 – 佈滿雪花紋，油脂豐富，梗係正。肉眼扒 – 大大片，肉味幾濃，但就真係韌左啲。特級牛頸肉 – 色澤紅嫩，切到細細一片，一啖一片啱啱好。皇者牛排骨 – 每碟都連埋舊骨一齊上，我覺得係咁多款牛肉之中最好食，醃得惹味，又夠腍。烤什錦海鮮拼盤有齊蝦、魷魚、魚柳、青口、帆立貝 – 難得全個拼盤五款海鮮都好食。魚柳、蝦、帆立貝都夠彈牙﹔青口大隻又鮮甜，燒完都冇乜縮水，肉好飽滿。魷魚 – 腍滑之中又帶啲爽彈，仲𠝹晒花，好好食。蛋包蝦 – 蝦冇乜鮮味，蛋香味仲突出過蝦味，但係即炸，味道反而有啲似「西多士」。燒雞翼 – 一向係「賣飛佛」，已經醃好左，味道唔錯，大大隻，好多肉。花甲 – 好鮮甜，肉身脹卜卜，但就有啲沙。雖然只係普通裝修，一啲都唔華麗，但要讚吓呢度抽風系統，食完都唔會成身燒烤味，好難得！仲有，好旺場吓，
熊本霜降和牛 – 佈滿雪花紋，油脂豐富，梗係正。
肉眼扒 – 大大片，肉味幾濃，但就真係韌左啲。
特級牛頸肉 – 色澤紅嫩，切到細細一片，一啖一片啱啱好。
皇者牛排骨 – 每碟都連埋舊骨一齊上，我覺得係咁多款牛肉之中最好食，醃得惹味，又夠腍。
烤什錦海鮮拼盤有齊蝦、魷魚、魚柳、青口、帆立貝 – 難得全個拼盤五款海鮮都好食。魚柳、蝦、帆立貝都夠彈牙﹔青口大隻又鮮甜，燒完都冇乜縮水，肉好飽滿。
魷魚 – 腍滑之中又帶啲爽彈，仲𠝹晒花，好好食。
蛋包蝦 – 蝦冇乜鮮味，蛋香味仲突出過蝦味，但係即炸，味道反而有啲似「西多士」。
燒雞翼 – 一向係「賣飛佛」，已經醃好左，味道唔錯，大大隻，好多肉。
花甲 – 好鮮甜，肉身脹卜卜，但就有啲沙。
雖然只係普通裝修，一啲都唔華麗，但要讚吓呢度抽風系統，食完都唔會成身燒烤味，好難得！仲有，好旺場吓，好多時都full house，要book定位。
張貼
