百味鮮辣蟹專門店 (已結業)

之前同老公都住過西環一段日子，充滿著回憶，也有不少美食，所以不停時番去行下揾下食。今次俾我地發現意間百味鮮辣蟹專門店。開頭以為淨得蟹好味，點知俾我發現可能係全港最好味既冰鎮咕嚕肉。係廣州食過意款冰鎮後，就一直念念不忘。原來意道係像私房菜的店鋪。不時不食不鮮不食。價錢晤算特別貴，中價價錢。店舖地方晤算好大，但舒適。前菜叫左話梅豬手，非常入味，話梅令人開胃。冰鎮咕嚕肉，賣相非常吸引，有煙霧效果，冰墊底。冰鎮既意思，係好像冰糖葫蘆咁，急凍外層，包住醬汁，咬第一口，十分脆口，甜甜的外層配上內層酸酸的完美結合。美味非常！必叫最後叫左黑松露蛋白炒飯，香味撲鼻，炒得夠乾身，不錯。