呢間🇰🇷餐廳佈置舒服☁️☁️雲朵造型燈飾。加埋牆上簡單插畫。簡單得黎又幾悠閒寫意喎。
咕𠱸同擺設都有一點韓國特式。
餐廳主打唔係炸雞，係得意卡通公仔造型既炒飯。
兩個人食一個飯、一個小食，加兩杯野飲。
韓式炸雞 $158
炸雞都幾大份。。醬料方面揀左兩款
一半係甜辣、一半係柚子
甜辣醬食落有d似咕嚕肉咁。
柚子醬反而有驚喜，柚子唔太甜，好清新，味道同炸雞好夾
雞件脆口，不過肉質結實左d，咬落裡面無肉汁乾左d，好在醬汁搭夠。
烏卒卒火山飯 $148
落單要等20分鐘架。制作需時。
🔥嬲爆爆火山表示：影完未！我要爆啦！（重要高炒）
呢個飯炒完重要焗，隻碟好熱架！所以影相要小心一點🤣
火山裡面係鰻魚櫻花蝦炒飯，熱辣辣炒飯撈埋蛋黃滋味十足。鰻魚份量多反幾粒就更加滿足啦🤤
柚子椰沫飄雪 $46
熱摩卡烤自家制棉花糖 $52
柚子椰沫飄雪。
柚子同椰子味道比例係5:5，入口香滑清新，唔錯唔錯！
熱摩卡烤自家制棉花糖。
棉花糖好似屋頂咁。口感軟棉棉，幾得意☁️
摩卡奶味偏重偏甜。飯後飲有d膩。
食物水準ok，坐得舒服，不過價錢偏貴。用OpenRice 訂台食品有7折。食平dd🤣
